TRANSMODAL Logistika Intermodaleko Foroaren XVII. edizioa
Arabako Ganberak eta Bilboko Portuko Agintaritzak TRANSMODAL foroaren beste edizio bat antolatu dute, zeina ardatz atlantikoko logistikari eta intermodalitateari dagokienez erreferentziazko foroa baita.
XVII. edizioantren-autobidearen sustapena izango da aztergai, barrualdea eta portua lotzeko irtenbide estrategiko gisa.
Honako hauek izango dira jardunaldian: bost panel tematiko, adituen hitzaldiak eta mahai-inguru bat, non logistika-, tren- nahiz portu-sektoreetako profesionalek hartuko baitute parte. Hala, enpresek, operadoreek eta administrazioek analisia egiteko, esperientziak trukatzeko eta networkinga egiteko espazioa izango da.
Aurreko edizioetan, giltzarri diren zenbait gai jorratu dira TRANSMODAL foroan, hala nola intermodalitatea, Jundizko terminalaren garapena, Atlantikoko korridorea eta jasangarritasun logistikoaren erronkak. Huts egin ezinezko hitzordua da sektore horretan dihardutenentzat.
Programaren aurrerapena eskuragarri duzu dagoeneko; berretsi diren lehen hitzaldiak kontsultatu ditzakezu hemen.
TRANSMODAL, oro har, honako hauei dago zuzenduta: intermodalitatean, logistikan nahiz kanpo-merkataritzan aritzen diren erakunde publiko zein profesionalei, garraiolariei, operadore logistikoei, esportatzaileei eta industria-enpresei.
Zergatik joan behar naiz?
- Logistika intermodalaren eta tren-garraioaren alorretan puntakoak diren joeren berri izateko.
- Ardatz atlantikoa sustatzeko eta hura Bilborekin nahiz barruko zonekin lotzeko proposamen zehatzak ezagutzeko.
- Logistika-sektorean giltzarri diren kontaktuak egiteko eta lankidetzan aritzeko aukerak aztertzeko.
- Etorkizuneko inbertsioei, oztopo operatiboei eta aplikatu daitezkeen soluzio teknologikoei buruzko ikuspuntuak eman eta entzuteko.
Joan nahi baduzu, ezinbestekoa da izena ematea; hemen egin dezakezu.
Joan hona Agenda
