Datu orokorrak

Helburuak

1. Toki, estatu eta nazioarteko mailan garrantzi handieneko zergak aztertzea eta azterketan sakontzea.
2. Planifikazio fiskaleko eskema zehatzak lantzea eta kostu fiskala eragiten duten egoerak antzematea, aukerak aztertzeko.
3. Enpresa txiki, ertain eta handietako ondorio fiskalak ezagutzea, optimizatze fiskaleko legezko estrategiak diseinatzeko.

Zergatik programa hau?

1. Irakasle gehienak Zerga Administrazioko zerga arloko teknikariak eta zuzendariak direlako eta harreman zuzena dutelako zergadunak –pertsona fisiko eta/edo juridikoak– gehien kezkatzen dituzten gaiekin eta gai horien gaur egungo egoerarekin.
2. Bizitza ekonomikoan, indarrean dagoen legearekin, benetan sortzen diren arazoei irtenbidea aurkitzen eta egiazko egoerak optimizatzen irakatsiko dutelako.
3. Onartuko diren eta esperientziarik ez edo esperientzia gutxi duten pertsonei Euskal Autonomia Erkidegoko bulego eta enpresetan praktikak egiteko aukera emango zaielako.

Nori zuzendua?

Lehentasuna izango dute:

1. Zerga arloko ezagupenak gaurkotu nahi dituzten profesionalak (finantza- eta administrazio-arduradunak, arduradun juridikoak,…), bereziki praktikoa den ikuspegitik zerga-sistemari buruzko ezagutza osotua eta sistematikoa emateko.

Onarpen batzordeak aintzat hartuko ditu:

1. Etorkizunean profesional gisa zerga arloan jarduteko asmoa duten pertsonak (graduko ikasleak: ekonomia, zuzenbidea, ADE…), esperientziarik gabe edo esperientzia gutxi dutenak.

Aholku-Batzordea

• Teresa Viguri and. Arabako Foru Aldundiko Ogasun zuzendaria.
• Javier Armentia jn. Arabako Foru Aldundiko Zerga Araudiaren zerbitzuburua.
• Eduardo Mozo de Rosales jn. Merkataritza Ganberaren idazkari-zuzendari nagusia.
• Olaia Arrieta and. Merkataritza Ganberako arduradun juridikoa.